|
Si dismòf une vore a buinore, el gjàl al ciante
simpri dopo. Al dà une distiràde di bràs fin a
toçià el bùssul de aghe Sante piçiat sul mur, in
bande de cuçiete.
Chest cul toçialu al dindìne e al smòf la, se
no caste, ma senz’altri pasiente Diva che a so
volte a domande a Fredo:” Ce fàtu ? “ Lui al
rispuint in gergo corèt: “ No si sa mai di qual
diaul ca si po’ ve bisugne”.
Po al jeve e al va in bagno e… çialàit vualtris
la contradision! Lui al è solit fa une
politiche di economie, basade sul sparagnà, però
no le use par sé. Vès di savè che ogne dì, par
fa la barbe, al dopre un rosòr e une lamete
gnòve:” usami e gettami”.
Dopo al vèn jù tal fogolàre al dà sfogo a chest
mattutin menù: un ùf a la coque, un scudielìn di
cafelàt, une fète di pan e spongje e ultimamenti,
dopo che un miedi j a fàt sperà ançjemò qualchi
çiantade di giàl, a là gjontàt la… mèl.
Ben metùt, al ven in Cooperative. Si è ritegnude
une buine aziòn tal proviodi a regalai un biel
flòc par càl sedi plui accoglient cu la
clientele. (dono una cravatta di colore rosso)
El rumòr de macchine che rive e, sore dùt, chel
de puarte che si siàre e fàs nasi in negosi come
un gran svualamènt di gialines: Siore Catine,
che già la spese e à fàt, a stà pòc a sbrissà
vie, ànsit, cun devosiòn a salude el President,
ca nol fàs di màncul di ricambià di dùt cùr,
parceche a è in vie di tornà a çiase.
Siore Aramìse, spesseànt, a stude el spagnolèt
stringinlu in te màn e par nùie si lamente se la
bòre j scotte, s’impovvise a sciegli in tàl
scaffàl dei “ pannolini igienici, sapone da
barba, profumi per signorine”, un prodòt ca i
podès la ben.
Fredo al ientre e de atmosfere ca regne, al
intuìs che si stevin a contà las novitàs, no de
dì di prime, ma ben pui fresçies, chès de gnòt.
Sandrine Giàt, par indrecià el pensiar di Fredo
sul lavòr, a domande a Licia se à un prodòt… che
in tal negosi no lè, oppùr si lamente che dùt al
coste çiàr. Licia, la comesse, a so volte,
simpri par no fa che el President al vedi a
pensà che stèvin a babà, ai rifìle une
comunicasiòn lassade di un rapresentant.
Dopo un salùt spesseàt, Fredo al passe in
magazin. Lì al scrìf tanç numars, un daùr
l’altri e po’ in colone. A complicà las
operasions, a si iude cun d’une piccinìne
calcolatrice.
Intant al rive qualchi venditòr; Licia, a fàs
fente di no podè sberdeàsi di lòr e allore jù
passe a Fredo, lassànt a lui el gùst de
paronance. L’affàr si cumbine, lu firmin bevìnt
un tàj di vin e chest si ripèt quasi cun ogni
rapresentànt.
Come che duç a savès, Fredo al è presìnt in ogni
amassamènt di ìnt. Une o altre cariche a è
simpri valide par offrì la pussibilitàt di
partecipà: al è Conseiar Comunàl, Capo grùp dai
partigjàns, celulàr dal so partit, soldàt de
seconde guere mondiàl, componènt dal Comitàt
“Prò rifaciment scialinàde de Glesie”, donadòr
di sànc e Presidènt de Cooperative di Colorèt di
Pràt. Dùt chest dà contribùt a pensà che las sòs
prestasiòns a sòn condòtes cun onestàt e pàl
popul.
Cheste çiacarade si colleghe cun chest fàt: Timp
fa si presente in negosi une signorine intimpade,
domande di Fredo e a lui i espòn el so càs. El
çiàn di Franco Colacìn, a lè passàt sòt la
fereade di confin e al à fàt fùr des gjalines di
proprietàt des signorines sùrs Rosa e Ninfa
Culetto.
Fredo, onoràt di jessi clamàt a funsionà di
giudic concialitòr, par cumbinà la questiòn in
sante pàs, ( e…se duç i giudis a fòssin cussì!…)
al à indennisàt el dàn cui sòi bès. Cusì, pàs a
è tornàde frà i confinàns e, in pui, dànt a
Fredo, come ricompense, un accrescimènt di
prestigio e stime. Lè ben vèr che nòl è mai un
màl ca nol sei ançie un bèn.
A
sin rivàs viàrs las dìs di matine e cheste a è
une ore particolàr. Al baline su e jù, al va
fùr in curtìl, po svèlt si sente al bànc de
càsse. Ientre une gentìl Siore:” Bondì Signòr
Antonio , c’è bòn òmp c’al è lùi e… se dùç
fossìn cussì; quanto le devo Signor
Antonio…Arrivederci Signor Antonio”. Passade
cheste lùs matutine, appaiàt par jessi stàt
dignitosamenti ossequiàt, al informe la comesse
Licia, c’al va vie un momènt par un afàr
importànt. Si tratte di rivà a Sante Catarine a
çioli i giornài, che al compre un par colòr; lui
al dìs par mior informasi, investe al è par stà
cùl mònt. O vin pensàt che un president, quant
c’al è in mission al sedi equipagiat bèn , in
mùt c’àl fasi onòr a se stès e a la Cooperative.
( viene fatto dono di una borsa)
|
|
|
intànt, in tàl bar al torne Carolo, Pauli Buiàt,
Bruno di Ust e altris che cun Fredo a fàsin di
un fàt un poema.
Pòc tìmp fa, Carolo al à ordenàt a Pauli di fa
une sçjale in fiàr par spelà el purcit dopo
copàt. Pauli, a là metude dute la so abilitàt e
si è preoccupàt di fàle une vore fuàrte. Al è
risultàt però che a è vignùde un pòc pesante.
Allore Carolo jà contestàt a Pauli disìnt che
par puartale a vuelin in doi e che le a fate
cussì pesante par ciapassi un frànc di pùi.
Pauli a so volte si è difindùt disìnt che un
muart si lu puarte simpri in quattri, i lavòrs
dai artisc a costìn di pùi e tignint cònt sore
dùt, che sul disèn nò l’ere segnàt el purcìt.
Vègnin vòt di sere e Fredo al bandone la
Cooperative parceche a vòt e miege a lè impegnàt
in une riuniòn. Cheste a finìs al …bar Capri. A
çiase, dopo, al dà une sfueade ai giornai, cun
un voli però al çiale la televisiòn in
trasmissiòns riservades agli ultra maggiorenni.
La zornàde a è finide, al và a durmì e, tornànt
donçie de cuçiete, cun pòls fèr al toçie i dès
in tàl bùssul de aghe Sànte e po’ sòt i bleòns
s’indurmidìs insumiansi de amade Cooperative.
Cheste une des tantes sornàdes dal nestri
Presidènt Fredo.
Pieri
Del Forn
|
|